Выстава традыцыйных галаўных убораў Віцебшчыны праходзіць у Смаленску

Ремесло Событие Сотрудничество Творчество

Яна адкрылася ў межах падпісанай дамовы аб культурным супрацоўніцтве паміж Віцебскім і Смаленскім абласнымі цэнтрамі народнай творчасці.

На здымку: галоўны мастак Віцебска АМЦНТ Ганна Перліна.
На здымку: галоўны мастак Віцебска АМЦНТ Ганна Перліна.

У экспазіцыі прадстаўлены дзявочыя і вясельныя вянкі, жаночыя наміткі, чапцы, хусткі ды шалі, а таксама — мужчынскія магеркі, брылі, аблавухі, картузы і іншыя, зробленыя па даўніх узорах майстрамі народных мастацкіх рамёстваў рэгіёнаў вобласці — Падняпроўя, Падзвіння і Паазер’я.

Майстры Віцебскага раёна не засталіся ў баку і прадставілі на выставе хусткі з набіванкай, каптур (традыцыйны галаўны ўбор замужніх жанчын), чапец і картуз, зробленыя майстрам па тэкстылю раённага цэнтра народных мастацкіх рамёстваў «Адраджэнне» Дзінай Даўгяла.

Падчас урачыстага адкрыцця выставы яе наведвальнікаў забаўляў беларускі народны персанаж Несцерка, а пазнавальны экскурс па выставе правяла кандыдат мастацтвазнаўства, вядучы метадыст Віцебскага АМЦНТ Людміла Вакар.

Пазнаёміцца з вырабамі майстроў Віцебшчыны жыхары і госці горада Смаленска змогуць да 4 снежня.

Андрэй Струнчанка, намеснік дырэктара Віцебскага АМЦНТ



Добавить комментарий

Ваш e-mail не будет опубликован.