Сардэчныя віншаванні жанчынам, чыё імя маці, дарылі «Сасноўскія дзяўчаты» са сцэны мясцовага клуба Віцебскага раёна

Актуально По поводу Эхо события

За некалькі год творчай дзейнасці галасы ўдзельнікаў аматарскага вакальнага калектыву палюбіліся мясцовым жыхарам. Хоць яны і непрафесійныя артысты, але спяваюць вельмі добра, укладваюць у песню часцінку сваёй душы.

На здымку: удзельнікі вакальнага калектыву з кіраўніком Віктарам Макарэвічам.
На здымку: удзельнікі вакальнага калектыву з кіраўніком Віктарам Макарэвічам.

У калектыве восем чалавек, бадай, ва ўсіх працоўная біяграфія звязана з Рэспублікан­скай туберкулёзнай бальніцай «Сасноўка». Некаторыя з жанчын зараз на заслужаным адпачынку, але працягваюць працаваць і пры гэтым знаходзяць час на рэпетыцыі, выступленні.

Кіраўнік калектыву Віктар Макарэвіч у адной асобе з’яўляецца і яго ідэйным натхняльнікам, і акампаніятарам. Ініцыя­тарам жа стварэння вакальнай групы можна назваць Людмілу Сідаровіч. Яна сама валодае шыкоўным прыродным голасам і згуртавала вакол сябе аднадумцаў, улюбёных у музыку і спевы. Кожная з «Сасноўскіх дзяўчат» натура творчая, захопленая песенным мастацтвам. Да прыкладу, Вера Жаркоўская не толькі добра спявае, але мае паэтычныя здольнасці, можа пера­класці куплеты на злаба­дзённую тэматыку. Валянціна Ісайкіна аддае перавагу народным мелодыям — спявае звонка, задорна, прыўзнята. А вось рамансы — любімы песенны жанр Святланы Афанасьевай. Шмат можна гаварыць пра здольнасці і ўсіх астатніх удзельніц вакальнага калектыву.

У рэпертуары «Сасноўскіх дзяўчат» лірычныя, патрыятычныя, народныя песні — тыя, што гледачы заўсёды ўспрымаюць з удзячнасцю.

Ніна ТОНІНА



Добавить комментарий

Ваш e-mail не будет опубликован.