Выстава «Летапісец нашага краю» і вечарына памяці «Сцяжынкамі Аляксея Сапунова» адбыліся ў Мазалаўскай бібліятэцы Віцебскага раёна

Культура

У сакавіку споўнілася 170 год з дня нараджэння вядомага гісторыка, краязнаўцы, археолага і грамадскага дзеяча Аляксея Парфёнавіча Сапунова, жыццё якога непарыўна звязана з Прыдзвінскім краем.

Свой жыццёвы шлях ён прысвяціў вывучэнню гістарычнага мінулага Полацка-Віцебскага краю, а некаторы час жыў у фальварку Кахоўка, што блізка ад Мазалава.

Менавіта з гэтай нагоды ў Мазалаўскай сельскай бібліятэцы адбыліся выстава літаратуры «Летапісец нашага краю» і вечарына памяці «Сцяжынкамі Аляксея Сапунова» (на здымку).

Нарадзіўся Аляксей Парфёнавіч у 1851 годзе ва Усвятах (на той час населены пункт уваходзіў у склад Віцебскай губерні, цяпер — Пскоўскай вобласці Расійскай Федэрацыі. Скончыў мужчынскую гімназію ў Віцебску, гістарычна-філалагічны факультэт Пецярбургскага ўніверсітэта. Працаваў выкладчыкам, архіварыусам.

Самай вядомай яго працай стаў зборнік «Віцебская старына», а першай — нарыс «Гістарычныя звесткі пра Віцебскі замак» (змешчаны ў «Памятнай кніжцы» Віцебскай губерні за 1881 год). Высокую адзнаку атрымалі і іншыя працы гісторыка — «Рака Заходняя Дзвіна», «Губернскі палац у Віцебску» і іншыя.

Перастала біцца сэрца Аляксея Парфёнавіча ў 1924 го-дзе ў Віцебску, дзе памяць пра летапісца захоўваюць, а імя вядомага гісторыка шануюць.

Дарэчы, 11 сакавіка ў Музеі кнігі Нацыянальнай бібліятэкі Беларусі адбылося ўрачыстае адкрыццё выставы «Руплівец беларускай даўніны».

А. СТРУНЧАНКА,

магістр гістарычных навук



Добавить комментарий

Ваш e-mail не будет опубликован.